من اغاني النساء في الماضي 1
بشريعت الطابوگ[1] چلچ یه زوري.......یالا
ولسمرا طبخت چای والبیضه قوري.......یالا
****
لو جندي لو سرباز گلّي ابقضیتک........یالا
لو ما هلي وناس کل جمعه ییتک.........یالا
****
الجنگیه[2] کلهه اعجود من یا عجد دش......یالا
والقندرا ام میتین والسبحه خط کش........یالا
****
ماریدن ادرول ریحت نفط بیه.............یالا
والخاطر امعیشه لفرش وغطیه............یالا
****
یل راکب الچوپا[3] لاتمشی سرعه.........یالا
بل علوه والنصه گلبی تگصه..............یالا
****
((( تومان بل قوطيه لو تعزل بمک لو بیّه )))
یابو حمیر السود یل تکرب اشعیر..........یالا
گلبی رهم گلبک یل بعدک اصغیر.........یالا
*****
یاعمتی ام اهواي بیعي الهوایش..........یالا
والفگر وال بلعان عند الله عایش........یالا
****
یاعمتي ام اهواي حامض لبنهه.........یالا
لوگطعوني ابسیف ماعوف ابنهه.......یالا
***
یاعمتي ام اهواي چابیش اجازیچ........یالا
لو یعمن اعیونچ بالنگرا ادهدیچ........بالا
****
بین الجرف والمای حنطه ازرعوني......یالا
لا مرو إعلیّه ولا ودعوني.............یالا
****
یا حيّه یم راسین طیحي ابلبنهم........یالا
اوسمی اعیال البیت بس خلّي ابنهم ........یالا
*****
یم شیله یم چلاب مري ابأهلنه........یالا
بلکت بختنه إچبیر ویحوشچ النه........یالا
*****
((( تومان بل قوطيه لو تعزل بمک لو بیّه )))
*****
[1] الطابوگ : منطقة معروفة في مدينة عبادان
[2] الجنگیة : منطقة تقع في جنوب مدينة الاهواز
[3] الچوپا : نوع من الدراجات النارية
