اجني یحشه
اجنی یحشه الدوم تنهگ بلفله احسن امن المره البس تملک حله
***
احسن امن المرا الما ملکت عگل ولا تشیل اجدامها ابعفه او ثگل
الما تحس لا تنجنی ولا تنگل وطبعاً الینگل سفیها اتخجله
***
طبعاً الینگل سفیهه امن النسه اثیاب متلوثه ابغیبه اتلبسه
ما یحصل خیر من عدها ایخسه الخیر عند التفتهم و امکمله
***
الخیر عند النسه الحازن للکمال زاچیات الاصل طیبات الخصال
الحسن شنهی ایفید شیفید الجمال ابلا بشاشه ومرحبه و بسمه وهله
***
ابلا بشاشه و حسن اخلاق و سلام یظل وزن الحسن ناقص مو تمام
نها الناس المصطفی سید الانام عن الخضره الزهت بارض المزبله
***
عن خضار المزبله ینها الرسول بیه شبه مره الحسنه ابلا اصول
المن اصل زاچی التربیها افحول اکحیله للصین اللکدها اتوصله
***
اکحیله واکحیلان تسبگ کل کدیش وتوگع ابخیالها فرس الخریش
اشلون ویا المعذربه واحد یعیش تسبی حتماً عیشته او عیشت هله
***
تسبی عیشت هله ولا یگدر یجیم ابدار بیه ایعیش شیطان الرجیم
عن الف شیطان وحده من الحریم العینها ابکحل الخلاعه امکحله
***
عینها صلفه ولاتعرف خجل ولایحفها الخوف ویمسها الوجل
بیوت بیها البس سفاها و بس دجل حتماً اتربی سفاله ومیهله
***
حتماً اتربی اشر وشهر بنات امهتکات امفرعات امکشفات
امزندات امبزنگات امگرطفت املطخات ابصبغ غش المهزله
***
املطخات ابچم صبغ چنهن العاب ابها الصبغ غشن الغافی من الشباب
ما علیهن عذل ولیامه وعتاب ولا علی البیهن تورط وابتله
***
لا علی البیهن فگد کل الشعور عتب والمغرور من طبعا الغرور
یشبه ابطبعه طبعهن والطیور توگع اعلی امثالها اتگول المله
***
توگع اعلی امثالها وبس الحیلم یخطب من اشراف بت مسمی وسلیم
والکریمه الزاچیه وبت الکریم اتعلی هامت زوجها الهام العله
***
اتعله هامت زوجها وبت اللئیم کل وکت عویه وابد ما تستقیم
الزوجها اتدور اطیاح الحظ مدیم وراسه لو چان عالی اتنزله
***
راسه لو عالی تنزله اعله التراب اتشبعه مغمه واذه وضیم وعذاب
اتطرده من بیته او علی تغلگ الباب اتطگه من یبگه وتفلگه اتنچله
***
اتطگه او تفلگا او ما یگدر یحوس امر ما بیده الامر بید العروس
بیدها العتبار والعز والفلوس و اهوه بیدا اصخام فحم المنقله
***
اهوه ما یملک فلس الا الفلاس اتشحته من بیته ابطرج نص الباس
الما بنا بیته اعله اساس یبتلی ابچم الف بلوه ومشکله
***
یبتلی ابچم مشکله و چم امتحان وسالفه ایصیر الاهل های الزمان
من مره الما تستحی مامش امان چیف یمن مره الدوم اترذله
***
چیف یرضه بمره الدوم اتکسفه الما حوت معرفه وعفه ولا وفه
وچیف یجنی الحاویه ابهای الصفه لو تصح عنده شهامه او مریله
***
ولوتصح عنده شجاعه وچان حار هیچ ما چان انوله وحمال صار
کاولیه وبایها وحصلت احمار خل ترکبه و دوم خلهه اتحمله
***
